| DƏDƏ KATİB QULUNCU |
قولونجولو دده کاتیب-ین شعیرلری Qulunculu Dədə katibın şeirləri
|
درباره وبلاگ
بو وئبلوگ تورک دونیاسینین و اؤزه للیک له آذربایجانین بؤیوک عاریف و شاعیرین( دده کاتیب آدی ایله تانینان حاج عبدرالرحمان طیار قولونجو) شعیرلرینی یایاجاقدیر.
پیوندها
طراح قالب
|
 عارف و شاعر بزرگ جهان تورک ، حاج عبدرالرحمن طیار متخلص به دده کاتیب به سال 1304 در قولنجی(قولونجو) دیار شعر و آشیقهای آذربایجان ، واقع در غرب دریاچه اورمیه دیده به جهان گشود.تحصیلات ابتدایی خود را در قولونجی نزد علما و عارفان سپری کرد و سپس در سنین جوانی به ترکیه رفته و با بهره جستن از استادان بزرگ علم و عرفان ؛ اصول دین اسلام و شعر و شاعری را فرا آموخت. در 25 سالگی- سال1329- شعر گفتن را آغاز و طولی نکشید که شهرت او برای بسیاری از تورکهای جهان شناخته و به عنوان منبع مهمی برای ادبیات و فرهنگ و تاریخ مردم تورک ومسائل دین و شریعت ، مورد احترام مردم ،عالمان ، بزرگان و ادبا قرار گرفت.ابتدا تخلص کاتب را برگزید ولی در طی سفرهایی که به ترکیه رفته و در محافل و جلسات شعر و عرفان شرکت می کرد، بزرگان آن دیار لقب دده (پدر،بزرگ) را نیز به او اختصاص داده و بنابراین تخلص کاتیب به دده کاتیب تغییر یافت . چون تخصص اصلی شان در شعر آشیقی (عاشق) بود به عنوان پدر آشقهای آذربایجان معرفی شد. از این دانشمند بزرگ تاکنون ۴ چهار کتاب به نامهای : عشق و عرفان(در قونیه ترکیه و به خط لاتین چاپ شده است) ، اینجی لی صدف ، اورمو گؤلو و گونوموز آیدین چاپ گردیده است ولی این کتابها تنها جزئی از اشعار بیش از 36000 بیت این عارف بزرگوار می باشد که در روزهای نزدیک کتابهای دیگری نیز چاپ خواهد شد. دده کاتیب قولونجی در دوم اسفند 1378 مصادف با روز جهانی زبان مادری،به جهان باقی پیوست . آرامگاه ایشان در زادگاه خود یعنی قولنجی(قولونجو) قرار دارد.
ادامه مطلب آللاه-ایکی-خاص آل خاص-آلدی درد منی-سئودیگیم
انسان اوغلو آللاه اوچون دوست اولان
عاشیق له ره چوخ چتین دیر آیریلیق
گؤزل کهلیک قایالاردا سس لنر
آلیجی قوش اوجا اوچار حریص لنر
عشق اهلینین سیرری دوشر دیل لره
یاز آیلاری ژاله دوشر گول لره
دده شاعر دوز قدّینی اگنده
سحر یئلی گولوستانه دگنده
ده لی کؤنول خاص سؤزله ری خاص دانیش
خاص قئییس تک خاص داغلاردا خاص چالیش
خاص سس گلدی خاص ائشیتدی خاص سینا
خاص گوجونله خاص ایشله ری خاص سینا
خاص گونونده خاص سؤزون دیء خاص ائیله
خاص عاشیقسن خاص کناره خاص گوله
دده شاعر خاص دانیشا خاص گوله
خاص آللاهین خاص آدینی خاص دیله
محبتین اویکوسوندا اویمامیش اومار سئودیگیم ککلیک کیمی کایالاردا چوخ گزمه کنار سئودیگیم
یادلار کیمی یانا باکاما باغریمی آتشه یاکما کؤنلوم ائوین پوزوب ییکما اولما کانی کار سئودیگیم
بن سئومیشم سنین آدین عاشیق بیلر عشقین دادین شو حاستا کؤنلوم مرادین همت اویله وئر سئودیگیم
عاشکین دنیزیندن بویلا مجنون جانین یاکدی لیلا کاتیبام یاندیم واویلا بیر حالیمی سور سئودیگیم
دده نين بایاتی لار Dedenin Bayatıları
ادامه مطلب
کؤنول نفسین اؤلدورمه میش ریاضت ده یالان دیر
بیر اینسانین اؤزنفسینده گر لیاقت اولماسا
کیچیک لره تعلیم ائیله بؤیوک لره احترام
یارادانا قوللوق ائله ، خلقه خدمت والسلام
بیر آی اوروج ،بئش واخت ناماز، الده تسبیح سجاده
شیطانا یوز داش آتاسان قوربان کسه سن میناده
دده کاتیب دورما چالیش نه قدر وار اختیار
گرچی زرق مقدردیر آما حرف آشکار
دونیا بیر کؤلگه یه بنزر گون دؤننده زایل اولو عقل-فکیری ناقص انسان دونیایا چوخ مایل اولو
دونیا بیر یوخودور اینان یاتیب رؤیا گؤرور اینسان عیش-عشرت،سفره الوان آییلاندا باطل اولو
دونیا امتحان یئری دیر هر کسه مهمان یئری دیر بیر گئجه کاروان یئری دیر صاباح اولجاق راحل اولو
دده کاتیب اویما، آیین فرصت گئتمه میش آل پایین اندازه بیل قاتما سایین انسان اوغلو عاقل اولو
ده لی کؤنول نئچه جمله ائیله بیان کؤلگه سیز
کایناتی او یارادمیش معنویدن-ماددیدن
عقل یئتمز حکمتینه سن بیر علم اللهه باخ
منصور حلاج نه دئدی فناء فی اللهه باخ
ملائکه نوردان یارانیب جیسمه خلاف بیل یقین
مومن لرین کؤنلو آیدین آینه ی صاف همین
دده کاتیب گز جهانی دققته آل هر یانی
جبراییلا گه تدی رسولا حق یانیندان فرمانی
اوخودوم الیفی ائله دیم ازبر
ب بسم الله ت توکل ث ثنا
خ خالیق یاراتدی قددیم دال اولدو
ر رجیم آدمه ز زوال اولدو
س سخاوت دؤرد ایچینده آدی وار
ص صلوات پیغمبره شفادار
ط طهارت هر کیتابدا ابتدا
ع نه لر گؤروندو عرش علادا
ف فکیر ائله قاف قلم یازدی عیان
م محمد ن نوحا اولدو طوفان
کاتیب امداد ایسته هئیدن هوالهو
حقی سئون نه غم چکر نه قیهو
اوســتاد مـــحضریندن بــیر سوالیم وار
چـــوخ جـاوان دیر هر اینساندان عؤمرو چوخ
ایســـته ســه یئریسین آیاغی چوخدو
میــثالی بـــیــر قــوشـدو مثالی یوخدو
اؤزو بـــیر لال قـوشدو گؤزه ل صداسی
بولبول کیمی جه جه وورار شیداسی
عجایب بــیر قوشدو جـسدده جانسیز
دده کــاتیـب تــیرین آتماز نیشانسیز
ایـــنسان اوغـــلو هاوالانـما هـــاوالاردان ســالان اولــو قــــاتــیب حیسابین ایتیرمه بیر گون حیساب آلان اولـو
مــعرفـــت یـــارار ایـــنـــسانا شـــجــاعت مـــرد مـییدانا ظولم ایــلن یـــاپـــیلان بیــنا آخــــیر دوشـــر ویــران اولو
اینـسان اوغلو تـانی ذاتیـن پـــوزولاجــاق یئددی قاتین اؤلــچوسوز بیچن خیاطیـــن تـــیکــدیگی دون یالان اولو
دده کــاتـیب هانی خانلار؟ دوغــــرو ایـنسان تــانییانلار پـــول ایــله ایـنسان اولانلار پـــول قورتولسا حیوان اولو
زور دئیه ن قــــادیر آلـــلاه بـــودور سنـده ن دیله گیم
جـــهل-تــــعــصب لر گـــــئتسین کیــــنارا
دوز جاده نی بوروق وئــــریـــب بــوکن لر
خلقین خوشلوغوندان سانجی چکـن لر
یــالانـــجی شــاهیـــدین ، حقی دانـانین
یــــولا داش تـؤکه نین ، یـــول دارالـدانین
دده کـــاتیب آند ایــــچره م قـــــــــــورآنا
آنــــلایــــان دوشـــــمنه مــــرد-مـــــــردانا
کـــؤنول ایــسته ســن عــاشق اولاسان
عشقین شهری چوخ بؤیوک دور آزارسان
عشــق بـــیر عـالم دیـر هر نه ده ن آیری
عشـــقین مـــئیی بــــیزیم باده دن آیری
عشــقین بــیر آتـی وار هـر کس مینـنمز
عــاشــیق جــانین وئـــرر یـاردان دؤنـــمز
دده کـــاتــیب عــؤمــور کــئچر قالیـنماز
عـــشـق بـــیر گـــوهــردیـر اوجوز آلینـماز
ایــــسلام اوغــلو دالدالانما گل اوزه
آچــــیلیبدیر حقین رحمت قاپیسی
تکبـیر سسی میناره دن سس لـنر
مسیحا هوس لنر طور نفـــس لـنر
جمعه بیر آغــاج دیر بـاری کال اولماز
انشـاءالله حیــساب گونو لال اولماز
جـمعه گـونـو کــوسولولر باریـــشاز
دده کـــاتیــب آتــش آلـیب آلیشار
سوی تانیدیرما ایستیـرم ســـوی تــانیدیرام تــورکی جــه دیر منیم دیلیم مــوســـلــمانام ایــمانـــلیام آذربــایـــجان ائـــلــیم مـــنیم
اورمــــــولویام انـــــزل لی یم دوشـــمـــن لـــرین انگلی یم حـــلق لــــرین چـــنــگلی یم چـــوخــودو فــند-فئلیم منیم
صفـــالی اوجــا داغـــلاریـــم گـــؤزه ل مــیوه لی باغلاریم مـــخصوصا بـــاهار چـاغلاریم آچــــار غـــونچه گولوم منیم
ایـــگـــــیـــدلــره آرخــــالانیم نــهنگ تــک چـــالـــخالانـیم ســــولاریـــندا یــــایـــخالانیم گـــؤزه ل اورمــو گؤلوم منیم
شـــاعـــیرلریم ، اوزانـــلاریم ســــؤنـــمز قـــاینار قازانلاریم ووروب دوشـــمن پــوزانـلاریم سـارسلمایان قــــولوم منیم
اساس سویوم اوغوز نسلی دده قـــورقـــوت تک هـوسلی آشیقلارین خوش نفــسلی میـــضراب چـالیر تئلیم منیم
اورمــــیه لــی ارســــلانـــــلار تـــبــریـــزلی تــــک قهرمانلار گـــئری دؤنــمز قوچ اوغــلانلار دولوب ساغیم-سولوم منیم
دده کـــاتــیب ائـله قــوربان خـــوش دانیشان دیله قوربان یــــئــره گـــلــمز بئله قوربـان حــــقه بــــاغـلی بئلیم منیم
قـــادیــر آلـلاه بـد زامــاندا یــاشادیق
ایکــــیـندیدن سـونرا آخشاما یاخین
قیــلچیق آغزین اگیر باغدا سـونبوله
حــسرت دیر باشیندا آلتی کـول تئله
بــــایــــقوش اؤیود وئـریر هزار دستانا
بئش گون درسه گئدیب او دا شـابانا
دده کاتیب قالــدیق عصرین سونونا
صــــــرافلار بــــویـــنونو چکیب قیـنینا
بـــاهار چاغی گول اوســـــتونده ذوق ائـــلر
عزیزی یم ذوق ائلر/ دل دلیــــبره ذوق ائــلر
گـــول بولـــبوله بـــولبول گــوله ذوق ائـــــلر
بولـــبول گوله غــــونچه گــوله ، گول گولــه
عزیزی یم گول گوله/بولبول دئیه گول گــوله
قــــفس سیـــنا بــــولــبول اوچا گول گــوله
عــــاشــق اولان مــــعشـــوقونون دریـــنده
عـــزیزی یـــم دریــــنده/دریــــالاردا دریـــنده
مــــرد اؤلـــر یــــاتـــــماز نـــــامـــرد دریــــنده
دده کــــاتــیــب دئــــییر کاما یـئتمه دیم
عزیزکامایئتمه دیم /عاشق کامایئتمه دیم
منده سنین کــــــیمی کــــاما یـــــئـــتمدیم
یــــارادانــــا شــــکر و ثـــــــــنــــا هـــــم یــــوخـــونا هم واریــــــنا هــــر کس ایــــله یولداش اولدوم لــــتش ووردو دیـــــــــواریــــــــنا
یا ریـــب بیر درد بئش اولماسـین نانجیب لر خوش اولـــــــماسین خـــوش گونلره توش اتولماسیـن لعـــــنت گــــلـسین اقــــراریـــنا
آشـــــنالاریـــــم آتـــــدی مــــنـی هــــر هــــاوا اویــــناتــــدی منی زامـــــان اوجــــوز ســاتدی مـنی دوشـــــدوم کـــــســـاد بــازارینا
دده کــــاتـیـب دیــــلر دیــــــلک زامــــــان قویمادی خوش گولک بـــــلا پـــــایـــلایـــانــدا فــــلـــــک مـــــــن یـــئتیـــردیم آمـــــبارینا
بــــاهــار چـــاغی یـــوردوم آذربـــایـــجاندا
یــــاشیل یــــایلالاردا، یاشـــیل بــاغلاردا
یاشـاسین یوردومون تـــــورک آشیقلاری
تـــــویــلاردا،بــــایرامدا تـــــورک آشیلاری
ایفــــتیخار ائــــیلیرم بــــؤیــــوک تــــورانا
تـــــورک اوغــلویام هر واخت مرد- مردانا
یئتمیش بابام کندلی من ده کـندلی یم
آذربــــایجـــانلـــیام مــن ده کـــند لی یم
دده کــــاتــیب دیندیرسه لر جـوشارام
کــــندده دوغـــــولموشام کندده یاشـارام
یاخشی دیر اینــــــسان اوغـــلو بـــیر اؤیــــود وئر دیلینه
دیـــــل ســـنین دیر ، فــرمان سنین الینده
اؤزونـــــــدن بـــــؤیـــــوگون سؤزونو کسمه
یـــــــالان ســــؤزو ساخلا ، دئمه ، تلسمه
آجـــــــی دیــــل آرتـــــیرار دوشـــــمانــــین
سنــین آجی دیل یاندیرار عؤمرون خرمنین
دده کـــاتیب حقی دئیه ر سست اولـماز
آجی دیل دوشمن دیر سنه دوست اولـماز
بو داغلار کؤنول قوشو ایستر گیریب دولانـسین
لــــیلاسیز مــجنون تک آواره قالــدیم
ایــــپـــین او ایـــتیب یامان دولاشـیب
دردیم آغیرلاشـــیب حددیــندن آشیب
قیلینجیم کـوته لیب دوشوب کــسردن
آلله اؤزون ســــاخلا بــــونـدان بــتـردن
دده کـاتــیب قیـــساتمیشام دیـلیـمی
ائـــولادلاریـــم بـوکوب مـــنیم بئـلـیمی
دده كاتيب قولونجي نين شعير سيته سي
بئش گون گن دونیایا آلدانما کؤنول
دئمه قامتیم دوز بئلیم گوجلودو
اوجا اوچما دئمه من قانادلیام
پیاده یه گولمه دئمه آتلیام
دوغرولوق بوکونون آلتیندان قاچما
اؤزوندن ضعیفه چوخ اسیب جوشما
دده کاتیب کیم کام آلیب جهاندان
وار گونونده بهره گؤتور تواندان
دوز انسان یارادانین قدرتینه چوخ شکور
موحدیک لا اله ال الله
تورک اوغلویوق دالدالانیب سینمیریک
بیر قیزقین آتشیک تئز-تئز سؤنمریک
اساس تورک اوغلویوق ایچ اوغوز خانلی
دین وطن اوغروندا قورخماز ایمانلی
دونیا بویو وورولمامیش وورموشوق
اون سگگیر امپراطورلوق قورموشوق
آذربایجانلی ییق بیلسین دونیالار
گورولتو سالاریق قورخار دریالار
دده کاتیب دوغرو یولدان چیخماریق
دوغرو تورکوک یاخماسالار یاماریق
ساویشماز گئنه کؤنلوم دوشدو یار سئوداسینا بلا هاردا اولسا مندن ساویشماز من عاشقم ساویشماز بلا مندن ساویشماز بو عادت دیر عاشیق لرده آختارار بلا تاپار عاشق لردن درد و بلا ساویشماز هر طبیبه دردین آچماز دال با دال
عاشق اولان معشوقوندان یارالی یار ووروبدور یارام واردیر یارالی من عشقم یارالی یار گئیینیب یارالی شیدا بولبول ناله چکر خار الیندن آه و واه یارالیام یارام باغلار یارالی خنجر ووروب داها دئشمز دال با دال
شاعیر هردن تجنیس اوخور جیغالی قابل خیاط دونو تیکر جیغالی عاشق اوخور جیغالی دیوان تجنیس جیغالی قناره لر باهار چاغی بوداق اوسته فغاندا یار زولفونو یارداراییب جیغالی اؤزگه لره اوزون آچماز دال با دال
دده کاتیب سؤزون سؤیلر دلیندن اول اوره گینده سونرا دیلیندن عزیزیم دیلیندن عاشق اوخور دیلیندن دیل خطردی عاقل انسان خوش دانیشار خوش دئیه ر خلقی سانجاماز اؤزون قورور دیلیندن هر نه گلدی ها دانیشماز دال با دال
قادر آللاه بو محنتدن بو غمد
پروانه تک آلیشمیشام آتشه
سگگیز سجده گاهیم بیر یانا دؤندو
قلبیم قانا گؤزوم عمانا دؤندو
اود آلیب آلیشدیم اوره کده ناریم
بوتون اوچ یوز آلتمیش داماریم
کاتب بیر آللاهه واردی پناهیم
دنیزلر جمع اولسا چوخدو گوناهیم یاد ائدینجه روح روانیم آغلادی
کوراوغلو ایسترم مردلری تعریف ائیله یم
شهرتی یاییلیب توتوب هر یانی
عؤمور بویو مردلیک ائیله ساواشدی
شجاعت مولکونه دوغرو یول آشدی
صحبتینین آغیزلاردا دادی وار
تاریخده ن سیلینمز گئتمز آدی وار
کور اوغلو تک ار اوغلانلار وار اولسون
کوراوغلویا پیس دئیه ن لر خار اولسون
کوراوغلو تورک ایدی بیر اوغوز خانی
چاملی بئلده قالیر یوردو نشانی
دده کاتیب حئیف مردلر کؤچ اولدو
قوچ دوغولدو قوچ یاشادی قوچ اولدو
قادر آللاه نه عادت دیر زاماندا؟
نه قوهوم نه قارداش نه ده قونشولار
مؤمن قارداش هردن تویا گلنده
اون بئش تومن مستحققه وئرنده
علم مجلسیندن دولانیر اوزاق
معناسیز سؤزلره قوچ اوغلو قوچاق
دده کاتب اگری یولدان قئییدر
بیر آتا بیر سورو اولاد بؤیودر
سئوه رم عاشق اولدوم بیر دلبرین یولوندا
آنلایانلار ایچدی ادب جامینی
بیر گونوم جاواندی بیر گونوم قوجا
یاردان غیریسینه ائتمم ایلتیجا
انسان گرگ ناموسوندان اوتانا
نامرد ائیله بیللاه گئتمم گولشانا
سیز بیر باخین بو زامانین گردینه
من کاتیبام مایل اولدوم دؤردونه
بوکولموشم غنی مولم غم چکمکدن یوکولموشم بوخچالاردا کرکس لر ال بیر اولوبلار منه گولور زاغچالاردا
سیزیلدارام کاباب کیمی بیر سؤالسیز جواب کیمی اوخونمایان کیتاب کیمی ترک اولموشام تاخچالاردا
آنادان دوغدوم دوغولو سؤزوم سینمده بوغولو نئیلیرم اون بیر اوغولو تک قالمیشام کوخچالاردا
دده کاتیب یامان اولودوم بوی بوکولدو کامان اولدوم سون عؤمرومده چوبان اولدوم تک یاتیرام باخچالاردا
یئمک لرین تزه سی دئمک لریم مزه سی صاباح چاغی بئش گؤزه له اوغرادیم
بیر قیزیل قونچادی یاز چیجگی دی
عاشق اولدوم سن گؤزه له گول گوله
بورون فیندیق دوداق گوله گول گوله
بویون سرو هیندی یاناغین لاله
حسرتین کؤنلومده قالا ها قالا
دده کاتیب گئنه آرتدی حسرتین
دئدیم بیزه مئیلین بس محبتین
عرفان عالمینده عیرفان عالمینده اینسان ایچینده
اخلاق دفترینده قرآن ایچینده
انسان اودور بوش دورماسین چالیشسین
بیر انسان کی هر نه گلدی دانیشسین
انسانلارین وفالیسی یاخشی دیر
اوغرونوندا اینصافلیسی یاخشی دیر
دده کاتیب بو جمله یه خوش اینان
وارلیا دوست اولان یوخسولا دوشمان
اؤلندن سونرا کؤنول کیمیادیر عؤمرون باهاری
فرصت گئتسه حسرت بره باغلاماز
دم غنیمت،چالیش قازان ساغ ایکن
دیء دانیش دیل دوداق داماق ساغ ایکن
آدام وار دادماییب دوستلوق شربتین
ساغلیغیندا بیلمز دوستون قیمتین
دده کاتیب هئچ قورتماز دیدهسین
اوغول واردیر هر گون دؤیر دده سین
اوغول اؤلومو مدد سندن ای جان وئریب جان آلان
هر آتشه بیر سو سپسن او سؤنر
اوغول اوره کدن دی یاخار اوره گی
قارداشی اؤلنین یانار دیره گی
اوغلو اؤلن آنا سیلمز گؤز یاشین
بیر ایگیت کی الدن وئرسین قارداشین
کاتیب سئور اولوسونو ائلینی
اوغول دردی بوکر آتا بئلینی
زمانه قادیر آللاه بد زامانین الیندن
آنلایانلار آغلیر قانمازلار گولور
محبت آزالیب سویویوب قانلار
شهرت اولوب عیبادتلر احسانلار
بوتون ایشلریمیز اولوب اویونچاق
گئچی لر قویونا دئییر تومانچاق
دده کاتیب بودور سؤزله رین دوزو
قانماز دوستون ایکی یوزو، اوچ یوزو
اوچ ها اوچ
ده لی کؤنول چوخ آه و زار ائیله مه
دردین اولسا آلچاقلارا سؤیله مه
مرد اوغلانلار هر زامانلار مرد اولو
قورد بالاسین هر نئیله ین قورد اولو
خسیس لرین دویماز گؤزو دار اولار
شورا یئرده بوستان اکمه خوار اولار
دده کاتیب چاغیر شاه ذوالکرم
پیس قونشونون قونشولوغون جهنم
نه زامان گله جک؟
قادیر آللاه در وئریبسن در مان نه زامان گله جک؟ قطره لر قاتیب حالیمی عمان نه زامان گله جک؟
عمان دالغادا،سسده دیر کؤنول زیندان،قفسده دی بوگون فرصت کرکسده دیر ترلان نه زامان گله جک؟
ترلان دوشوب توردا قالدی کلیم الله طوردا قالدی سیف آیه سی هاردا قالدی فرمان نه زامان گله جک؟
قرمان گلسین گؤزوم در ده فاتح فتح خیبرده دده کاتیب دولوب درده لقمان نه زامان گله جک؟
سن ده گول
ده لی کؤنول چوخ ائیله مه آه و زار
صبح آچیلدی ظلمت اولودو تار و مار
بنؤوشه باش وئریب بویاندی لاله
رقیب لر گؤرونجه دوشدو خیاله
سرو سایه سالیب قمر اولدو شق
مشاطه لر نوردان چکیبدیر بیدق
دوستون باغچاسیندا بولبول غزلخوان
کاتیب غصه لنمه الحکم قرآن
اويناسين . سوردوم دده كاتيبين شعرلري
اویناسین
قادر الله گئدسین قیشین دومانی یئنی باهار گلسـیـن گــول لـر اویناســین چیچکلنسین یوردوموزون هریانی یاغموریاغسین جوشقون سئللراویناسین
گوللربیزیم اولسون قازلاربیزیمکی سـؤزلــر بیــزیــم سازلــار بیــــزیمــــکی ماراللار بیزیمکی نازلار بیزیــــمکی یایلا یاشیللانسین ائل لر اوینـــاســـــین
قدرت لنسین ایگیت لرین قوللاری گوجلنک قاپسـایاق سـاغی ســولـلاری ووراق پوزاق آچاق باغلی یــوللاری جاده لر شن اولســون یوللار اویناســین
بیـربیـره دایانسین گوجلو چیگیـنلر قاراباغدان چیخســـین قودوز خائیـــن لر باکیدا اوخونسون آشیق قادینــلار بارماق میضراب چالسین تئللر اويناسين
دده کاتیب قیساتمارام دیلیمـــی حقــه دوغــــرو باغـلامیشــام بئــلــیــمی چوخ سئــورم آذربایجان ائلینـــــی آذربایجان تورکـــی دیللــر اوینــاســــــین
سوردوم عاریفلردن سوردوم دونیا احوالیـــن "آزاد قوشـا بـیـر قفسـدی" دئدیـلــر عؤمرون اعتیبارین سوال ائیله دیــم گئدی گلمـز،بیر نفســدی دئدیـلـــر
دئدیم بیـرسرمایه،بیــرده سعـــادت دئدیلــر،خوش اخلاق، بیرده قناعـت دئدیم شوهرت ایچون اولسـاعیبادت "عاریف دئییــل بول هوسدیر"دئدیلــر
دئدیم دونیا مالی ،دئدیـــلر عیبــرت دئدیم بس جوانلیــق، دئدیلرفورصـت دئدیم بس قوجالیـق،دئدیـلر حسرت عؤمــرون پاییز یئلی اسدی دئدیلـر
دده کاتیب غم نهالیــــن غم اکـــــه غم خرمنین،غم آنباریــن غم توکــــه عؤمرون سوفرسینن بیر نئچـه تیکـه یئدیم دویمامیشدان بسدی دئدیـلـر اوغلويام -سويوموزاوغلویام یـــارادانــا شــوکر ائـــــــــیلرم من بیر موسلمان اوغلویام فیکر ائتمه میش دانیشمارام بیر دوغرو اینسان اوغلویام ایلهام آلـمیشام قورآنـــــــدان عیبرت آلـمیشام زامانـــدان قورخمارام توز دان دومانــدان دالقــــالی توفان اوغـــلویام من بیر تـــورکم بوز قوردلـویام اوغـــوز دده قـــورقودلویــام بــیر قــیزقـین آتش اودلویــام بــیر غیرتلی قان اوغلــویـام دده کــاتیب ائـلیم تـــورکــــدو دوغرو دوزگون یولوم تورکدو خوش دانیشان دیلیم تورکـدو مـــن آذربــایجان اوغـــلویام
سويوموز کؤنول دیللر تانیدیرسین سؤیـــونـــو بیز تورک تورونویوق قوچ اوغلانلییــــق بیرکؤکدن آیریلمیشیق اونبئش دال بوداق خزر دنیزینـده چئـــویـــره یانلیـیـــق
تورک اوغلویوق بیز شاواشـا چیخاندا ییلدیریملارچارپیپ شیمشک شاخـاندا دوشمن کؤکسوسونه سونگو تاخاندا قیزمیش قاپلان کیمی های كیرانلیــیــــق
بوتون تورکـــــلر بیــر بیــــره چاتــــــــار قازاق،قیرقیــــز،چرکـــز،تورکمـــن،تاتــــار یوردومدا اوســـتون شاعـــیرلـــر یاتــار قاراباغ، ناخجیــــــوان ،داغیستانلیــیـــق
کیمسه گیزله دمز تـــورک آدی ایتمــز تاریخ لــر یازیسی سیلینــــمز گئدمــــــز سؤزو قیسا کســک،چون سونا یئتمز اینسانلـــیق بیلن ،بیز اینـسانلییــــــــــق
سئوریک وطنی، دینــــی تانرینــــــــی کســیریک دوشمنــین تار تامـارینـــــــــی آتشه یاکـــاریـــق ،بــوتــون واریــــــــنی شوکور موسلومانیــق، بیــز ایمانلییــــــق
موغـــولدان باشلامیش رومـــانا قـــــدر بولــــغار،صوفیـــــادان گیــرمـانا قــــــــدر تورکـــــــیه،ایراقــــــــدان افقــــانا قـــــدر بورادادا آذربایــــجانلیــــــیـــــــــق
اسکی ده ن تانییــور دونیــــالار بـیــــزی دنـــــــــیزلـــــــر قارالار هــــاوالار بیـــــزی هئچ قـــــورخــودامـــاز هـاوالار بیــــــــزی گوجلو بیلک لی ییق ایستی قانلـییـــــق
دده کاتیب بیز ناموســـــو آتمـــاریـــــــق اؤلکـــــه میزی یابانجـی یا ساتمـاریــــــق یوردوموزون بک چی سییق یاتماریــــــق چیـــلیــک قـــوللار ایلـــــه آرچالانلیــــیـــق TÜRK OĞLU تورک اوغلو -دده كاتبAsil Türk oğluyuz iç oğuz hanlı
"Koçak Nebi"," Babek"," Bayandır han"lı
Din vatan uğrunda korkmaz imanlı
Savaş meydanında bir kaplan biziz
Dünya boyu vurulmamış vurmuşuz
Soyumuzda biz yılmazca durmuşuz
Onsekiz imparatorluk kurmuşuz
Geri dönmez bir merd-i meydan biziz
Azerbaycanlıyız bilsin dünyalar
Denizler karalar yerler havalar
Gürültü salarız korkar deryalar
Dağlar zirvesinde bir duman biziz
Dede Katip doğru yoldan çıkmayız
Hiç kimseye fena gözle bakmayız
Doğru Türküz yakmasalar yakmayız
Her zaman Türklüğü koruyan biziz
بيللاه -كيبر ائيله مه-قالمادي-قالماسين كاتيب قولنجي
بیللاه
کــــونول الده قــــلم وصــــفی حالیمی یــــادگار قـــــالماغا یـــازارام بیــــللاه سینه م مــیدان اولوب غم آل –وئـــرینه بـــــلالر آلــــــماغا بــــــازارام بیــــللاه
قارقــــانمیشام هــــر میحنته یانام من قیزیل لاله کیمی بـاغری قـــانـام مـن یوواسیز قـوشلار تــــک سرگردانام من بـــو داغــدان او داغــا گـــزره م بیللاه
توخموم شور توپراقدا یانیب کول اولدو دردیم آرتیب گونو گـوندن بول اولــــدو مجنون کیمی آخیر یوردوم چول اولدو او داغـــــــدان او داغــــا آزارام بــیللاه
دده کــــاتیب یولوم دوشــــدو اوزاغـــا طوطی تک هم قفس اولموشام زاغا تپـــــه دن دیـــرناغا بــــاشدان ایـــاغـــا دیــــلدن تا دوداغـــا آزارام بـــــیــــللاه
کیبر ائیله مه دلی کــونول کـــــیبر ائیله مه حــــلیم اول کــیـــــبره لـعنت ائــــــیلیر کــــلامه شـــریف ســـن الـلاهـــین قـودره تینه تسلـیم اول گــــویـــلــره اوخ آتــــــما ای عــبد ضــــــعیف
طــــمعـکار ایــنـــــسانین باشی اوجالماز قـــــناعــت اهلـــینین کـــــونلو قوجــــالــماز صبــــر ائــدنـــدن هئچ مــوصیبت باجالماز صـــــبر بـــیر کــــیمیادیر حق ائــدیب تعریف
چــــوخ گــولـن کــئچینین اوزو ســــورتولر ادبــــلی ایـــنـــسانین عـــیـــبی اورتـــــولـر نامــــرد اولـــسه خــلقین جانی قــورتولار مــرد اولـــنده هـــامــی دئــیه ر وای حیـیف
دده کاتـــیب بـــــیر آلــــلاهـا ایـــــنـاندی مـــینت چــــــکــمز مــیـنت بـــار گـــرانـــدی یارامـــــیشا رزاق قـــادر ســـوبــــحــاندی اوره گــیـن آیــــناســیـــن ائـــیــله مه کثیف
قالمادی دلی کــــونــــــول اویــــــما مــــیمـانخانه ده کاروان کــــوچدو او مــیمانـــلار قالــمادی طــــمع گـــوزون تــــــــیکمه مــالا مـــقــاما خـــانــلارکــوچدو خــانــدانـــلار قالـــمادی
بــــیر واریــــن گــــوروب ایـــفاده ســــاتدی کــــیبر ائیله ییب او گــویــلره اوخ آتــــدی تــــوپراغا قــوشانیب اوز قــــویوب یـــاتدی جســدلــر چــورودو جـــانلار قــــالــمادی
بــــیری اوزون گــــوروب آزدی یـولـــونـــدان اوتوردی یــولون هر نه یی دئدی پولوندان بیر دم قـودرتــــیندن بــــیر دم قولـــونـــدان قــول قـــیریـلدی پـهلــیوانــلار قالــمادی
بیری مولکودن دئدی بیری مــــاشــــیندان اویقونلوق سئوداسین آتــماز باشــیندان غـافــیل اولــدو یــارادانــــین ایـــشـــــیندن بــو دونـــیادا سـولــیمانــــلار قالــــمادی
جوشقون کونلوم گئنه درسین اوخوسون تـــوک آغاردی بیلدیم کــفن قـــوقـوسون ائشــیدیب بـــیلنلر رحــمت اوخـــوســو ن کــاتیب کیمی گــــوهر خــانلار قالــمادی
شعرهاي دده كاتب قولنجي
یارادانا شـوکر ائــــیلرم مـــن موسلمان اوغـــــلویام دیو-اجــیـنّه دگــیلم ، بلـــکه ایــــنسان اوغــــــلویام ذاتیم دوغرو، سویوم دوغـــرو عقد صــــحیح اولادی دوز نوطفه دن دوغولموشام حکم قـورآن اوغــــلویام
اساس سویوم تورک دور منیم من اوغوز نسلیندنم شکّ شوبهه یوخــــوموزدور یـــوزد ه یوز نــسلیندنم ایفتخارلی آذر بــــایــجان دوغــــرو - دوز نــسلیندنم سؤز اوستادی دده قــــور قـــوت عین اوز نسلیندنم سانلی –شانلی تاریخیمیز دوغرو باستان اوغـلویام
آذربــــایـــجان بـــئــشیگینده قـــهرمانـــلار بسلنیب شـــاعـیـرلــری ســـانا گـــلمز غــزلخوانلار بسلنیب آدی بــــللی باغـــیر خانلار ، ســتار خانلار بسلنیب دشــــمنه دال دوندر مه ین قوچ اوغـــلانلار بسلنیب یاتمام تولکی دالداسیندا ، ارکـــــک آسلان اوغلویام
دده کاتــــیب بـــیر رنــگیم وار هــــر رنگه بویانمارام میــللتیمی تعـــریف ائتسم اؤلـــونجه اوســــانمارام آذی یم - تورک اوغلویام ذاتـیمی خوارسانمارام پارچــــا –پارچــــا دوغـــــراســالار اؤزلوگومو دانمارام موســــلمانام،تورک اوغلویام،آذربــــایــــجان اوغلویام کراسون قیزی کراســـــوندا بـــیر قیز گوردوم
سانکی بیر سـونا گاز گوردوم
کـــــینا یــــاکــمیش ال لرینه
آلــــتون مــــیــخک تئل لرینه
کــــیـزیل غنچه یاز چیچگی
ساچلارین هندین ایــــپگی
دده کاتیب گورسون گوزون
قاش آلتیندان خومـار گوزون
گئجه-گوندوز خلقه ايراد ائد نلر
قونشونون گؤزونده قيلي گؤرنلر
مؤمون قارداش هئچ بيليرسن نئديرسن؟
بئش قدمده دؤردون اَيري گئديرسن
حرام مالدان فاخير ليباس گئييرسن
آشيغين سازينا حرام دئييرسن
دده كاتيب سن ده بير بيل حسابين
قورخ او گوندن اوخوناجاق كيتابين
حيكمت عالميندن دؤرد سؤز اؤيرنديم
بيردن باشلاميشام بيرده دورموشام
حياتدا چارپاشيق يوللار كئچميشم
عشقين آتشينه يانيب پيشميشم
حقيقت شمشيري دؤشمز كسردن
قوْي باخسين بد نظرگؤز منه نئيلر؟ دده كاتيب الهام آلار اوزاقدان
درباري لر قورخار توزدان، تورپاقدان
چــــوخ اويونلار ســــنه يارار
دون بوْشاليب بو گؤن تكرار
دَيیير مانـــسان اينـسانلارا
اجــــل بومــباسين خانلارا
آتـــش اوجــــاغين قوراندا
قــــهرمانـــــلاري يـــوراندا
دده كاتيـبـين سسينه
ســــوندا اؤلوم قفسينه
شعرهاي تركي دده كاتيب قولونجو
گؤزلر
بـــاهارچـــاغی یــــاز آیلاری گـــلنده غونچه لر باش وئریب بوداغی گـؤزلر یار باخیشین بیر اوخ ووردو سینه مه قاشین کمان قوروب بو داغی گؤزلر یار یــولوندا شــوکت اولار شــان اولار یار یولوندا یوز مین قـوربان جان اولار بولبول خــار الینده باغری قــان اولار اوخـور چه چه وورار بو داغی گــؤزلر شـیدا بولبول اوخـــور قــونار گوللره گــؤز یاشـــلاری آخار دؤنــر سئللره جییران صحرالارا ســـونا گـــــــؤللره کهلیک قاققا ووروب بــوداغی گـؤزلر ســحر یئلی صــفا وئــــریر نفــــسه قــــومرولار اوخــــور وئریر سس سه دده کــاتیب گــئنه گـــلدی هوسه لیلاسیز مجنون تک بـوداغی گؤزلر
دوغرو موسلمان یـارادانا شــــوکر ائـــدریک دوغـــرو مــــوسـلمان بیزیک الـست گـــــونو بلا دئـــــدیک هم اهــــــل ایـمان بیزیک تـــورک اوغلویوق تـــورک تــورونو یوردوموزو سئوریک یـوردوموزون دوستونادوست دوشمانا دوشمان بیزیک
اوغـــوز،بـــابک،کـــوراوغــــلونو خاطـــرلــــردن آتماریق دده قـــوردقـــود اؤیـــودلــرین هــئچ وقت اونــوتماریق مــردلــیک ایله ســـاواشـــاریق دالـــــدانـــیب یاتماریق تولــــکولره باش ایــمه ین بـــــیر بـاش اســـــلان بیزیک
بــــوتون دونـــیا تاریــخینده دوشـماندان بــاج آلمیشیق آلــچاقــلارا اییــلمه مــــیش هــــر زامان اوجالمیشیق دوشمانلاربؤیله سـانماسین سارسیلیب قوجالمیشیق تــــلاطــــیملی دنـــــیز کــــیبی دالـقالی تــوفان بیزیک
تاریخــلری ورق وورســـان آدلــی سانلی شانـلی ییق آغـــری داغــین زیروه سی تک هر زمان دومانـلی ییق آذربــایــجان بــــالاسی ییق ایستی غـــیرت قان لـییق یئــدی ایــقــلیم تانــیر بــیزی دیـل لرده داسـتان بیزیک
دده کاتـــیب بــیر اوزلــویوک ســـویـــومــوزو دانــماریق اؤز ســویــونو دانــانـلاری آصـــلا ایـــنسان ســـانماریق دین ایـــله وطن اوغـــروندا جان وئــرریک اوسانماریق قورخوبیلمز تورک اوغلویوق بیر قیزمیش قاپلان بیزیک اورمو گؤلو منظومه سیندن
اورمـــو گـؤلو اول آللاه آد اولسون کؤنلومـــوزده دائیم آللاه یاد اولسون آذربایجان مـیللتیمیز شاد اولسون خوش دوشونک ،خوش چالیشاق ،خوش بیلک بیر ـ بیر ایله خوش دانـــیشاق خـوش گولک اورمـــــو گؤلو باهارلارین ، یازلارین گؤللرینده،اوردک ،سونـا ، قازلارین تورکــو آشیقلارین تورکـو سازلارین چالیب اوخوسونلار داغیلسین غم لر آرامیزدان گئتسین کدر سیتم لر اورمو گــؤلو من باغــلی یام ائللره آذربایـجانا هم تـورکــــو دیـل لره نیسان یاغـمورونا آخان سـئل لره یاغمور وورسون پاسلاریمیز سیلینسین چیرکین لیک،گؤزل لیک او وقت بیلینسین اورمـــــو گـؤلو تـــورک اوغــلویوق تورکوک بیز یوردومـــــوزون قـــــوروقچـوسو تورکوک بیز باشماق اولمامیشیق هر واخت بؤرکـوک بیز
دوشمن لر سانماسین دوشگون قوجاییق اورمـــو گــؤلو " دده کاتیب " هله وار زامان چرخی باشــین قاتیب هله وار اویـانـــماییر بختی یاتیب هله وار بـــیر گــون اولا یـاتـمـیش بـخــتی اویــانــا غیــیرت آتـــی مــینیب چـــاپـــار مـیدانا تورك شعرينين دده سي دده كاتيب
تووکل الله
دده لر دده سي دده كاتيب قولنجي(قولونجو)
بيزيم دئييل
قادر الله گؤر نه گونه قالمیشیق
سن بؤلن بؤلگولر قابول اولمادی
باهار چاغی گؤی گئییلر صحرالار
یاغمور یاغار یاشیللانار یایلالار
قؤیونو چالدیلار خائیین چوبانلار
اود توتوب معدنلر ،آلیشدی کانلار
نه توفاندیر نه قاوقادیر نه دومان
دده کاتیب دیلین ساخلا دور دایان
مغرور اولما اینسان اوغلو مغرور اولما حالا حالدا گــــئده جک
زامان چرخی پوزدوراجاق دال بوداغین سـولاجاق
اؤزون چالما داغا داشا ایشینده توت بیر حیساب
بوتون دونیا سـنین اولـــسا سون یئرین زیر تــراب
قارون کــیمی مال ییـغاسان یل دسـتان اولاسـان
یا بــیر آجـــی دیلـــین اولا یادا غــزلخوان اولاسان
دده کاتیب خان اولاسان خلقه فرمان دئــیه سن
یا بــیر ییرتیق دونــــون اولا یادا الوان گــــئیه سن
استانبولي شعير دده كاتيب-دان
شو دونیا
شـو دونـیا بنزییـور بیـــر میحـــــانه یه
بئش گون اگلنجه بئش گون چیله ده
حریص لر دونیــادا قالاجــــاق سانـدی
سون نفس اویکــودان آییلیپ کانـدی
بیـنـــــالار یاپـــدی کـــاتلاری یئـــتدی
حاققا جان وئرمه نین زامانی یئتـدی
کــــاتیب حــاققا گووه ن تانـریا ایـنان
ایستر ادنا اولسون ایستر قاهرامــان
عالم بزرگ جهان ترك .تورك دونياسي نين بويوك عاليمي دده كاتيب
بــــوغیــفلتدن آیــیلمیرام ای خــــــدا فــــــــــــــــریاده گل یـالقیز قالمیشـام ظــــولمتده غــــــــوغاده فـــــریاده گـل اول آدم خلـــق اولاندا یــــاراندی جـــــــــومله گـــــــوناه بیــر لوطــفودن عفو اولــونار مین خــــطا فــــــــــریاده گل
اوخــــوموشــــام دؤرد کیتــــــــابی بیلمیــــرم لــــیل نــهار بیلمه دیم عؤمروم قدرینی کئچدی فورصـــــــت گئتدی کار کـــــــــل شی هالــــــــــــــک غیر از خـــدا کــــــیمدی وار؟ کـــــــفر ایـــسلاما غـــالب اولــدو مدد، اولــدوق تــــارو مار مــصطـــــــفی دئــدی شــــــانینده لافــــــتی فــــریاده گل
ســونا واردی دفــتریمیز شــــیمدی باخین دولـــــدو جــــام مــوقدرین حـــــؤکــــمونه باخ ایشلر قالـــــدی ناتــــــــــمام عـجب یولــــون یولچوسویوق فرق ائیله مز خــــاص و عـــام الـــف الله ب بـشـــــــردن وای آلانـــــــــــــدا ایــنتیقـــــــــام مـــــــــــــیم محمـمد کان رحــمت سیدا فـــــــــــــریاده گل
صــور چالــــــــیندی اویما غافیل وار حققـــین محضـــــرینه کـــیم بیلیر کـــیمین حالــــــینی هر کــس آغلا ر نفسینه شـــــاه گدا مــــونتظیردی بیر عــــــــــدالت حـــؤکــــمـــونه کــــــاتیب آدیــــــــــن ثبت اولـــــوندو عــاصی لـــــر دفترینه ای اوخــــونان دؤرد کــــــــیتابا مـــــــــوصطفی فـــریاده گل
یازار قادرآللاهین قلمی عالمه فرمان یازار آی گونشه هم فلکه بیر عجایب دؤوران یازار لا شریکدی قدرتی ایله یارادیبدی هر نه وار گؤز گؤرمه ین بیر خانه ده بوش سودان اینسان یازار
انا اعطینا سوره سی شاد ائتدی پیغمبری یوز ییرمی دؤرد مین ایچینده دوغرولوغون سروری دیلیم اوخور سینه م یازار من نئلیرم دفتری قضا قدر اؤز الینده ایسترسه هر آن یازار
لافتی الا علی حیدردی شاهیم منیم آزمارام یولدان کیناره دوغرودور راهیم منیم اگر کی من تقصیر کارام چوخدور گوناهیم منیم لوطف ائیله سه دفترینده بیر عفو رحمان یازار
الست گونو بلا دئییب جام ایمان ایچمیشم بئش عالمی طی ائتمیشم آلتی ارکان سئچمیشم دده کاتیب یار یولوندا بیللاه جاندان کئچمیشم عاشیق معشوقون یولوندا جانینی قوربان یازار
جنون اولدوم سن دیلبرین یـــولـــــوندا اوزو گــــونش قاره قاشـــلار خـــی صنم مجنون کــــــیمی دولانیرام داغـــــلاری مست اولموشام ها چــاغیرام هی صنم حوسنون منی عشقه سالدی دریندن چــــــوخ ارنـــــلر پایین آلــــدی درینــــــدن من قــولـونام، قولـــــون قــووما دریندن ال مـــــنیمـــدی اتــک ســنــین، ای صنم
من عاشـــقم عشـــق اودونــا مایلم آزغــین ســئل تک چـــؤلدن چؤله یاییلام سن ســرور سن من بیر گدا سایلم یــوخســولونان وارلی اولــملز جی صنم دیلــــــین آب حـیـات درده چــاره دی کــــیپریگــین اوخ ووروب بــاغریم یاره دی من کــاتیبام مــنیم دونــوم قاره دی آل اوسـتوندن سن یاشــیلی گئی صنم
دده کاتیبین وفات تاریخینه
دده کاتیبین وفات تاریخینه
ای وطــن تورپــاغی، آمـــــانات ســـاخلا
اؤزقوینــــوناباســیب چوخ راحات سـاخلا
قـــــــورآن اللـــرده یـــدی اوزلــر آللاهــــا
امدادیـــــنا چــــــــاتار حضرت طــــــاهـــا
گـــلن چاغـــیریردی بــیر تک آللاهــــــی
باغیشـــلانار هاچان اولســـا گــــوناهی
وفـــــاتـین ائشــــیدن اورکـــدن یانـــــیب
آفــــرین-مرحـــــبا سســـــی قووزانـــیب
ایکی گــــون کئچمیشدی بایرام آییندان
سکسن یئدینجی ایل گونش ساییندان
|
فهرست اصلی
آرشیو مطالب
امکانات
|
Copyright © 2006 All Rights Reserved by dede-sheir.Blogfa.com